Lehendakaritza.Lan-txostena
Jarduera-lerroak
Eusko Legebiltzarreko lehendakaritzaren helburu nagusia erakundeari balio publikoa gehitzea da. Printzipio horrek inplizitu dakartzan berdintasunaren aldeko apustua eta baloreetan oinarrituta, ganberaren lehendakaritzak ERAKUNDE-IREKIERA sendotzea bilatu nahi duen lan-programa garatzen du eta ondoren aipaturiko gaietan zentratzen diren berrikuntza- eta garapen-prozesuak sustatzen ditu:
- IREKIERA-PROGRAMA
- Legebiltzar-kudeaketaren xede eta ikuspegia berrezartzea, IREKIERARANTZ zuzenduz erakundearen gako berri gisa. Kontzeptu horrek bi osagai ditu: gardentasuna eta partaidetza eta legebiltzar-administrazioak bizi duen itxuraldaketaren leit motiv-a da
- Irekiera-eredu teorikoa zehaztea ordezkaritza-erakundeentzat, EELB-ren (Europako Eskualdeetako Legebiltzarren Batzarra) baitan osatuko den eta Eusko Legebiltzarrak koordinatuko duen nazioarteko lantaldearen bidez
- Internet bidezko deszentralizatutako lankidetza-mekanismoa ezartzea erakundeen irekiera sustatzea bilatuko duen berauen kudeaketa-gida errazteko, irekiera sustatzea helburu duten teknologia berriak nola erabiltzen diren aztertuko duen erreminta proposatzeko eta gai hauen inguruko praktika bikainak elkartrukatzeko, honela mundu osoko erakundeetan arrakasta lortu duten esperientziak ezagutu eta aplikatu ahalko delarik.
- IREKIERA-ZERBITZUEN SORRERA
- ERAKUNDE-IREKIERAko filosofia zerbitzuei dagokienean aplikatzea, hiritarrei balore hau Interneten bidez eskainiko dioten eta euskarri irekiagoetara hedatzeko aukera emango duten teknologia-zerbitzu aurreratuen sorrerari esker. Zerbitzu horien oinarriak honakoak dira:
- Guztientzako informazioa. Eusko Legebiltzarraren 27 urteko historian zehar sortu den dokumentu-informazio guztia herritarren esku jartzea.
- Denbora errealean. Denbora errealeko sarrera eskaintzea egungo eztabaidetara, bai dokumental- bai multimedia-euskarrian, legebiltzar-ekimenen espediente digitalen sorreraren bidez. Aipaturiko materiala osotarikoa da, eguneratua egongo da uneoro eta bilkura eta batzordeetako zuzeneko emanaldiarekin osatuko da.
- Eskatu ahaleko aukera. Eskatu ahaleko informazioa eskaintzea, interesatutako herritarrei, beraiek eskatutako gaien inguruan, bilatu beharrik edo jarraipen-lanak egiteko beharrik izan ez dezaten.
- Partaidetzarako benetako aukerekin. Ziurtatutako, ikusgai eta bi noranzkoko partaidetza-mekanismoa martxan jartzea; honi esker hiritar guztiek, eta batez ere eztabaidatutako gaien inguruan duten ezagutza edo interesarengatik aditu direnek, proposamenak egin edo galderak egin diezazkiekete, zuzenean, legebiltzarkideei, galdera hauek publikoki jakinarazi eta, halaber, legebiltzar-taldeen erantzuna publikoki jasoko lukete ere
- Irratia eta telebista digitala bezalako hedabide irekiagoetatik sartzeko aukerarekin ere. Zerbitzu hauen kanal anitzeko hedatzea abiaraztea, interakzio-aukera hauek "haustura digitala" delakoa gainditzea ahalbidetuko duten euskarri masiboetan eskuragarri egiteko.
- ERAKUNDE-IREKIERAko filosofia zerbitzuei dagokienean aplikatzea, hiritarrei balore hau Interneten bidez eskainiko dioten eta euskarri irekiagoetara hedatzeko aukera emango duten teknologia-zerbitzu aurreratuen sorrerari esker. Zerbitzu horien oinarriak honakoak dira:
- PARTAIDETZAREN SUSTAPENA ETA IREKIERA-ZERBITZUEN HEDATZEA
- Heziketa-mekanismoak garatzea eta partaidetza politikoa sustatzea, erreminta hauei esker, EAEko herritarren artean, bai ikuslego orokorrari zuzenduta (Parlamauto) bai gazteei zuzenduta ere (Gurekin eztabaidatu).
- Legebiltzar jardueraren hedatze-estrategia anitz honekin bat datorren ateak zabaltzeko politika garatzea, ondorengo puntuetan gauzatzen dena:
- Erakunde zibil eta sozialen partaidetza sustatzea lantalde eta batzordeetan
- Eragile ekonomiko eta sozialen erakunde-bisitak sustatzea, herritarren eta Legebiltzarraren arteko interakzio-zerbitzu hauen existentzia ezagutarazteko
- Legebiltzarrak antolaturiko eta ikuslego orokorrari zuzenduriko erakunde-ekitaldiak emendatzea
- Eskola-bisiten dinamika mantendu eta sendotzea eta Legebiltzarraren bisitak hiriko turismo-eskaintzaren barruan sartzea
- LANKIDETZA ESTRATEGIKOA IREKIERARI DAGOKIONEAN
Lankidetza-marko egonkorra ezartzea ordezkaritza-funtzioko euskal erakundeekin (Batzar Nagusiak eta Udalerriak), erakunde-irekierari eta teknologia-lankidetza, hizkuntza-normalizazioa eta europar gaien inguruko erakunde hauen ekarpenak bezalako interes komuneko gaiei dagokienean elkarlanean aritzeko
- LEGEBILTZAR-TRAMITEAK BIZKORTZEA
- Legebiltzar-jardueraren delegazio- eta antolakuntza-mekanismo ezberdinak abiaraztea gaien tramitazioaren atzerapenak saihesteko eta ekimen eta eztabaiden arteko denbora-gertutasuna hobetzeko. Horren bidez, erakundearen irudi publikoa hobetzea
- Legebiltzarreko Araudiaren aplikazioari buruzko adostasunak lehenestea eta horren aldaketa sustatzea modernizazio-prozesu hauek eskatzen dituen lege-aldaketak ahalbidetzeko.
-
KANPO HARREMANAK
Eusko Legebiltzarrak hainbat organismotan parte hartzen du nazio eta nazioarte mailan. EELB-ek (Europako Eskualdeetako Legebiltzarren Batzarra) Europako erregio-mailako parlamentarismoaren erreferentziazko organismo bilakatu nahi du. Bestalde, COPREPAk (Autonomia Erkidegoetako Legebiltzarretako Lehendakarien Batzarra) bi xede ditu: estatuko Parlamentu autonomikoen funtzionamenduari buruzko gaiak aztertzea eta bere erakundeak herritarrei gerturatzeko estrategiak lortzea.
- INDARKERIAREN BIKTIMEN INGURUKO EKITALDI BEREZIAK
Ganbera honen MAHAIAK BIKTIMEI BURUZKO EUSKAL LANTALDE BEREZIAREN hitzarmenen zati bat garatzea eskatu dio Legebiltzarraren lehendakaritzari. Eskaera horren arabera lehendakaritzak:
- Biktimen talde ezberdinen partaidetza izango duen estetika-balio handiko erakusketa ibiltaria antolatu du indarkeriaren biktimen inguruan
- Indarkeriaren biktimen oroimenari eskainitako eskultura egonkorra jarri du legebiltzar-egoitzaren sarrera nagusian
- Biktimen inguruko bilkura monografikoak urtero ospatzeko dinamika abiarazi du
© Eusko Legebiltzarra - Parlamento Vasco. Lege-eremua
Becerro de Bengoa 01005 Vitoria - Gasteiz
Tel.: 945 00 40 00 - Fax: 945 13 54 06
Web master
